சொல்
என்று முடியும் குறள்கள்
மகன்றந்தைக் காற்று முதவி யிவன்றந்தை
யென்னோற்றான் கொல்லெனுஞ் சொல்
இளங்குமரனார்
மக்கள் தம் பெற்றோர்க்குச் செய்யும் உதவி, இவரைப் பெற்றோர் நற்பேறமைந்தவர் என்னும் புகழ் தருவதாம்.
இன்சொலா லீர மளைஇப் படிறிலவாஞ்
செம்பொருள் கண்டார்வாய்ச் சொல்
இளங்குமரனார்
இரக்கம் அமைந்து வஞ்சம் இல்லாது மெய்ப்பொருள் உணர்ந்தார் சொல்லும் சொல் இன்சொல்லாகும்.
நயனீன்று நன்றி பயக்கும் பயனீன்று
பண்பிற் றலைப்பிரியாச் சொல்
இளங்குமரனார்
கேட்பவர்க்குப் பயனாகும் பண்பமைந்த இனிய சொல், சொல்பவர்க்கும் இன்பமும் நலமும் தரும்.
கண்ணின்று கண்ணறச் சொல்லினுஞ் சொல்லற்க
முன்னின்று பின்நோக்காச் சொல்
இளங்குமரனார்
முன்னே நின்று இடித்துச் சொன்னாலும் முன்னே இல்லாமல் பழிச் சொல்லைச் சொல்லாதே.
அரும்பய னாயு மறிவினார் சொல்லார்
பெரும்பய னில்லாத சொல்
இளங்குமரனார்
அரிய பயனை எண்ணும் அறிவாளர் பெரும் பயன்தராத சொற்களைச் சொல்ல மாட்டார்.
சொல்லுக சொல்லிற் பயனுடைய சொல்லற்க
சொல்லிற் பயனிலாச் சொல்
இளங்குமரனார்
சொல்வதானால் பயனுடைய சொற்களைச் சொல்லுக; பயனற்ற சொற்களைச் சொல்லாதிருக்க.
மனத்தானா மாந்தர்க் குணர்ச்சி யினத்தானா
மின்னா னெனப்படுஞ் சொல்
இளங்குமரனார்
மக்கள் உணர்ச்சி மனத்தைப் பொறுத்தது; ஒருவன் இத்தகையன் என்பது சேர்ந்தவரைப் பொறுத்தது.
கேட்டார்ப் பிணிக்குந் தகையவாய்க் கேளாரும்
வேட்ப மொழிவதாஞ் சொல்
இளங்குமரனார்
கேட்டவர்களை வயப்படுத்திக் கேளாதவரையும் கேட்க விரும்புமாறு சொல்ல வல்லதே சொல்வன்மையாகும்.
நிலத்திற் கிடந்தமை கால்காட்டுங் காட்டுங்
குலத்திற் பிறந்தார்வாய்ச் சொல்
இளங்குமரனார்
நிலத்தின் வளம், முளையில் தெரியும்; அதுபோல் நற்குடிப் பிறப்பு அவர் சொல்லில் தெரியும்.