செருக்கு
என்று முடியும் குறள்கள்
இறலீனு மெண்ணாது வெஃகின் விறலீனும்
வேண்டாமை யென்னுஞ் செருக்கு
இளங்குமரனார்
பின்வருவதை எண்ணாமல் பிறர் பொருளை விரும்புதல், அழிவை ஆக்கும்; விரும்பாமை வெற்றியை ஆக்கும்.
தீவினைய ரஞ்சார் விழுமியா ரஞ்சுவர்
தீவினை யென்னுஞ் செருக்கு
இளங்குமரனார்
தீய செயல் என்னும் அழிவுக்குத் தீயவை செய்பவர் அஞ்சமாட்டார்; ஆனால் சிறந்தோர் அஞ்சுவர்.
உள்ள மிலாதவ ரெய்தா ருலகத்து
வள்ளிய் மென்னுஞ் செருக்கு
இளங்குமரனார்
உலகோர் புகழும் கொடைஞர் என்னும் பேற்றை ஊக்கமில்லாதவர் அடைய மாட்டார்.
தாளாண்மை யென்னுந் தகைமைக்கட் டங்கிற்றே
வேளாண்மை யென்னுஞ் செருக்கு
இளங்குமரனார்
உதவி என்னும் பெருமிதம், முயற்சி எனப்படும் பெருமையிலேயே அடங்கியுள்ளது.
வெண்மை யெனப்படுவ தியாதெனி னொண்மை
யுடையம்யா மென்னுஞ் செருக்கு
இளங்குமரனார்
அறியாமை எனப்படுவது எது என்றால் யாம் அறிவாளர் என்று எண்ணும் பெருமிதமே யாகும்.
கல்லாத மேற்கொண் டொழுகல் கசடற
வல்லதூஉ மையந் தரும்
இளங்குமரனார்
அறியாதவற்றை அறிந்ததாகக் காட்டல், குற்றமறக் கற்றதையும் ஐயத்திற்கு இடமாக்கிவிடும்.
இகலானா மின்னாத வெல்லா நகலானாம்
நன்னய மென்னுஞ் செருக்கு
இளங்குமரனார்
தீமைகள் எல்லாம் மாறுபாட்டால் உண்டாவனவே; மாறுபாடற்ற மகிழ்வால் நலப்பேறு உண்டாம்.
வகையறிந்து தற்செய்து தற்காப்ப மாயும்
பகைவர்கட் பட்ட செருக்கு
இளங்குமரனார்
வழியறிந்து தன்னை உறுதியாக்கிக் காத்துக் கொண்டால் பகைவரிடத்து உண்டாம் பெருமிதம் ஒழியும்.
வீழுநர் வீழப் படுவார்க்கு கமையுமே
வாழுந மென்னுஞ் செருக்கு
இளங்குமரனார்
விரும்புவாரால் விரும்பப்படுபவர்க்கே, வாழ்கிறோம், என்னும் பெருமிதம் உண்டாகும்.