சிறப்பு
என்று முடியும் குறள்கள்
அன்பீனு மார்வ முடைமை யதுவீனு
நண்பென்னு நாடாச் சிறப்பு
இளங்குமரனார்
அன்பு, ஆவலைத் தரும்; அவ் வாவல் நட்பு என்னும் பெரும் பேற்றைத் தரும்.
அன்புற் றமர்ந்த வழக்கென்ப வையகத்
தின்புற்றா ரெய்துஞ் சிறப்பு
இளங்குமரனார்
உலகில் இனிது வாழ்பவர் அடையும் நலமெல்லாம். அன்பில் நிலைபெற்ற பயனாகும்.
இன்னாமை யின்ப மெனக்கொளி னாகுந்தன்
னொன்னார் விழையுஞ் சிறப்பு
இளங்குமரனார்
துன்பமே இன்பம் எனக்கொண்டால் அவனுக்கு அவன் பகைவரும் பாராட்டும் சிறப்பு உண்டாகும்.
இல்லாரை யெல்லாரும் மெள்ளுவர் செல்வரை
யெல்லாருஞ் செய்வர் சிறப்பு
இளங்குமரனார்
பொருள் இல்லாதவரை எவரும் இகழ்வர். பொருள் உள்ளவரை எவரும் சிறப்பிப்பர்.
ஊணுடை யெச்சம் முயிர்க்கெல்லாம் வேறல்ல
நாணுடைமை மாந்தர் சிறப்பு
இளங்குமரனார்
உணவு உடை மற்றவை எல்லா உயிர்களுக்கும் பொது வானவை. நாணுதலே மக்கட்சிறப்பு
எனைத்து நினைப்பினுங் காயா ரனைத்தன்றோ
காதலர் செய்யுஞ் சிறப்பு
இளங்குமரனார்
எவ்வளவு நினைத்தாலும் அவர் சினமுறார் அதுவே அவர் செய்யும் நன்மையாம்.