எனல்
என்று முடியும் குறள்கள்
பயனில்சொற் பாராட்டு வானை மகனெனல்
மக்கட் பதடி யெனல்
இளங்குமரனார்
பயனில்லாத சொற்களைப் புகழ்ந்து சொல்பவரை மக்கட் பிறப்பு என்று சொல்லாதே; பதர் என்பாயாக.
உள்ளத்தா லுள்ளலுந் தீதே பிறன்பொருளைக்
கள்ளத்தாற் கள்வே மெனல்
இளங்குமரனார்
பிறன் பொருளைக்கரவால் கவர்ந்து கொள்வேன் என்று மனத்தால் நினைத்தலும் திருடியதேயாம்.
ஒளியொருவற் குள்ள வெறுக்கை யிளியொருவற்கு
அஃதிறந்து வாழு மெனல்
இளங்குமரனார்
ஒருவற்குப் பெருமை அழியாச் செல்வமாம். அப்பெருமை யின்றி வாழ்வோம் என்பது இழிவாம்.
நெய்யா லெரிநுதுப்பே மென்றற்றாற் கௌவையாற்
காமம் நுதுப்பே மெனல்
இளங்குமரனார்
பழியால் காமத்தை அழிக்கலாம் என்பது நெய்விட்டுத் தீயை அணைக்கலாம் என்பது போன்றது.
நிணந்தீயி லிட்டன்ன நெஞ்சினார்க் குண்டோ
புணர்ந்தூடி நிற்போ மெனல்
இளங்குமரனார்
தீயில் மெழுகு போல் உருகக் கூடியவர்க்குக் கூடியவரை ஊடிநிற்கக் கூடுமோ?