பற்று
என்று தொடங்கும் குறள்கள்
பற்றற்றே மென்பார் படிற்றொழுக்க மெற்றெற்றென்
றேதம் பலவுந் தரும்
இளங்குமரனார்
பற்று இல்லை என்று சொல்லிக் கரவாக நடத்தல், என்ன! என்ன! என்னும் துன்பம் பலவும் தரும்.
பற்றற்ற கண்ணே பிறப்பறுக்கும் மற்று
நிலையாமை காணப் படும்
இளங்குமரனார்
பற்றுகள் ஒழிந்தபோதே பிறவித் துன்பம் ஒழியும்; பின்னர் உலக நிலையாமை உண்மையாய் விளங்கும்.
பற்றுக பற்றற்றான் பற்றினை யப்பற்றைப்
பற்றுக பற்று விடற்கு
இளங்குமரனார்
பற்றே இல்லாத துறவோனைப் பற்றிக் கொள்க; அதனைக் கொள்ளல் தன்பற்றை முழுமையாக விடுவதற்கேயாகும்.
பற்றுள்ள மென்னு மிவறன்மை யெற்றுள்ளு
மெண்ணப் படுவதொன் றன்று
இளங்குமரனார்
கருமித்தனம் என்னும் குற்றம் எக்குற்றத் தொடும் ஒப்பிட்டு எண்ணத் தக்கதில்லை. அது பெருங்குற்றமாகும்.
பற்றற்ற கண்ணும் பழைமைபா ராட்டுதல்
சுற்றத்தார் கண்ணே யுள
இளங்குமரனார்
பலரும் தொடர்பை விட்டபொழுதிலும் பழந்தொடர்பை மறவாமை சுற்றத்தாரிடத்தே தான் உண்டு