உடை
என்று தொடங்கும் குறள்கள்
உடைமையு ளின்மை விருந்தோம்ப லோம்பா
மடமை மடவார்க ணுண்டு
இளங்குமரனார்
செல்வக் காலத்திலும் வறுமையாவது விருந்தோம்பாக் குற்றமாகும்; அது அறிவிலாரிடத்தே உண்டு.
உடையார்மு னில்லார்போ லேக்கற்றுங் கற்றார்
கடையரே கல்லா தவர்
இளங்குமரனார்
வலிமையுடையவர்முன் வலிமை இல்லாதவர் போல் செருக்கற்றுக் கற்றவரே கற்றவர்; பிறர் கல்லாதவர்.
உடைத்தம் வலியறியா ரூக்கத்தி னூக்கி
யிடைக்கண் முரிந்தார் பலர்
இளங்குமரனார்
தம் வலிமையை அறியாமல் செய்யத் தொடங்கிவிட்டு இடையே முடியாமல் அதனைக் கைவிட்டவர் பலராவர்.
உடைமை யெனப்படுவ தூக்கமஃ தில்லா
ருடைய துடையரோ மற்று
இளங்குமரனார்
ஒன்றை உடையவர் என்றால் ஊக்கம் உடையவரே அதனை இன்றி மற்றவற்றை உடையவர் உடையவர் ஆகார்.
உடைசெல்வ மூணொளி கல்வியென் றைந்து
மடையாவா மாயங் கொளின்
இளங்குமரனார்
சூதினைக் கொண்டால் உடை செல்வம் உணவு புகழ் கல்வியாகிய எல்லாம் தொலையும்.