இன்னா
என்று தொடங்கும் குறள்கள்
இன்னா திரக்கப் படுத லிரந்தவ
னின்முகங் காணு மளவு
இளங்குமரனார்
ஒன்றைக் கேட்டு நிற்பவரின் இனிய முகத்தைக் காணும் வரை,இரக்கப்படுதலும் கூடத் துன்பம் தருவதேயாம்.
இன்னாசெய் தாரை யொறுத்த லவர்நாண
நன்னயஞ் செய்து விடல்
இளங்குமரனார்
தீமை செய்தவரைத் தண்டிப்பது, அவர் வெட்குமாறு நல்லதுசெய்து அதனையும் மறந்து விடுவதாகும்.
இன்னா வெனத்தா னுணர்ந்தவை துன்னாமை
வேண்டும் பிறன்கட் செயல்
இளங்குமரனார்
தனக்குத் துன்பமானது என்று அறிந்தவற்றைப் பிறர்க்குச் செய்வதைக் கருதாது இருத்தல் வேண்டும்.
இன்னாமை யின்ப மெனக்கொளி னாகுந்தன்
னொன்னார் விழையுஞ் சிறப்பு
இளங்குமரனார்
துன்பமே இன்பம் எனக்கொண்டால் அவனுக்கு அவன் பகைவரும் பாராட்டும் சிறப்பு உண்டாகும்.
இன்னாசெய் தார்க்கு மினியவே செய்யாக்கா
லென்ன பயத்ததோ சால்பு
இளங்குமரனார்
தீமை செய்தவர்க்கும் நன்மை செய்யாவிடின் அது சால்பு ஆகாது.
இன்னாது இனனில்லூர் வாழ்த லதனினும்
இன்னா தினியார்ப் பிரிவு
இளங்குமரனார்
ஒத்த அன்பினர் இல்லாத ஊரில் வாழ்வது கொடியது. அதனினும் கொடியது இனிய அன்பரைப் பிரிவது.