பொருள்
என்று முடியும் குறள்கள்
அஃகாமை செல்வத்திற் கியாதெனின் வெஃகாமை
வேண்டும் பிறன்கைப் பொருள்
இளங்குமரனார்
செல்வத்திற்குக் குறையாமை எது என்றால், பிறர் பொருளை விரும்பாதிருத்தலே யாகும்.
தேறற்க யாரையும் தேராது தேர்ந்தபிற்
றேறுக தேறும் பொருள்
இளங்குமரனார்
ஆராயாமல் ஒருவரையும் தெளிதல் கூடாது; தெளிந்த பின்னரும் அவரைத் தெளிந்த துறைக்கே பயன்படுத்த வேண்டும்.
ஆற்று பவர்க்கு மரண்பொரு ளஞ்சித்தற்
போற்று பவர்க்கும் பொருள்
இளங்குமரனார்
வலியவர்க்கும் அரண் பயனாகும், அவ்வாறே அச்சத்தால் தம்மைக் காக்க விரும்புபவர்க்கும் பயனாகும்.
பொருளல் லவரைப் பொருளாகச் செய்யும்
பொருளல்ல தில்லை பொருள்
இளங்குமரனார்
ஒருபொருளாக மதிக்கத் தகாதவரையும் மதிக்க வைக்கும் பொருள், சிறந்த பொருளேயாம்.
அறனீனு மின்பமு மீனுந் திறனறிந்து
தீதின்றி வந்த பொருள்
இளங்குமரனார்
முறையாயும் தீமையில்லாதும் தேடியபொருள் அறமும் தரும்; இன்பமும் தரும்.
உறுபொருளு முல்கு பொருளுந்தன் னொன்னார்த்
தெறுபொருளும் வேந்தன் பொருள்
இளங்குமரனார்
விளை பொருளும் வரிப்பொருளும் தண்டப் பொருளும் ஆகியவை அரசின் பொருள்களாம்.