பெரிது
என்று முடியும் குறள்கள்
காலத்தி னாற்செய்த நன்றி சிறிதெனினு
ஞாலத்தின் மாணப் பெரிது
இளங்குமரனார்
நெருக்கடியான பொழுதில் உதவிய உதவி சிறிதானாலும் இப்பெரிய உலகிலும் மிகப் பெரிதாகும்.
பயன்றூக்கார் செய்த வுதவி நயன்றூக்கி
னன்மை கடலிற் பெரிது
இளங்குமரனார்
பின்னே நமக்கு நலம் தரும் என்று எண்ணாமல் செய்த உதலியை எண்ணினால் அது கடலிற் பெரிதாகும்.
நிலையிற் றிரியா தடங்கியான் றோற்ற
மலையினு மாணப் பெரிது
இளங்குமரனார்
உறுதியில் தவறாமல் அடங்கியவன் பெருமை உயர்ந்த மலையினும் உயர்ந்ததாகும்.
கண்களவு கொள்ளுஞ் சிறுநோக்கம் காமத்திற்
செம்பாக மன்று பெரிது
இளங்குமரனார்
ஓரக்கண்ணால் பார்க்கும் உவகை, காமத்தில் சரிபாதி அன்று; அதிற் பெரிதாம்.
இன்பங் கடலற்றுக் காமமற் றஃதடுங்கால்
துன்ப மதனிற் பெரிது
இளங்குமரனார்
காதல் இன்பம் கடல் போன்றதே. ஆனால் பிரிவுத் துன்பமோ அதனிலும் பெரியது.
கண்ணிறைந்த காரிகைக் காம்பேர்தோட் பேதைக்குப்
பெண்ணிறைந்த நீர்மை பெரிது
இளங்குமரனார்
கண் கொள்ளா அழகுப் பெண்ணுக்குப் பெண் தன்மை நிறைந்தமை பேரழகாம்.