பிறப்பு
என்று முடியும் குறள்கள்
உறங்கு வதுபோலுஞ் சாக்கா டுறங்கி
விழிப்பது போலும் பிறப்பு
இளங்குமரனார்
சாவு என்பது உறங்குவது போன்ற இயல்பினது. பிறப்பு என்பது உறங்கியவர் விழிப்பது போன்ற இயல்பினது.
பொருளல்ல வற்றைப் பொருளென் றுணரு
மருளானா மாணாப் பிறப்பு
இளங்குமரனார்
நிலையில்லாதவற்றை நிலையானது என்று உணரும் மயக்கத்தால் அறிவுக் குறைப்பிறப்பு உண்டாகும்.
ஓர்த்துள்ள முள்ள துணரி னொருதலையாப்
பேர்த்துள்ள வேண்டா பிறப்பு
இளங்குமரனார்
ஒருமுகப்பட்டு உண்மையைக் கண்டு கொண்டால் அறியாமை மீண்டும் உறுதியாக வரவே வராது.
பொருளானா மெல்லாமென் றீயா திவறு
மருளானா மாணாப் பிறப்பு
இளங்குமரனார்
எல்லாமும் பொருளால் ஆகும் என்னும் கருமித்தனம் பெரிய அறியாத் தனமாம்.