நன்று
என்று முடியும் குறள்கள்
அறனெனப் பட்டதே யில்வாழ்க்கை யஃதும்
பிறன்பழிப்ப தில்லாயி னன்று
இளங்குமரனார்
அறம் என்று சொல்லப்படுவது இல்வாழ்வே; அவ்வாழ்வு பழிப்பற்றதாக இருத்தல் மிக நலமாம்.
நன்றி மறப்பது நன்றன்று நன்றல்ல
தன்றே மறப்பது நன்று
இளங்குமரனார்
ஒருவர் செய்த நன்மையை மறத்தல் கூடாது, அவர் செய்த தீமையை அப்பொழுதே மறத்தல் நல்லது.
அறன்வரையா னல்ல செயினும் பிறன்வரையாள்
பெண்மை நயவாமை நன்று
இளங்குமரனார்
அறம் அல்லாதவற்றைச் செய்தாலும் பிறனுக்கு உரியவளை விரும்பாதிருத்தல் நன்மையாகும்.
பொறுத்த லிறப்பினை யென்றும் மதனை
மறத்த லதனின்று நன்று
இளங்குமரனார்
தீமையைப் பொறுத்துக் கொள்ளுதல் சிறப்பு; அதனை மறந்துவிடுதல் அதனினும் சிறப்பு.
திறனல்ல தற்பிறர் செய்யினு நோநொந்
தறனல்ல செய்யாமை நன்று
இளங்குமரனார்
தகுதியில்லாததை ஒருவர் செய்தாலும் அதற்கு மிக நொந்து அறமற்ற செயலைச் செய்யாமை நலமாகும்.
நயனில சொல்லினுஞ் சொல்லுக சான்றோர்
பயனில சொல்லாமை நன்று
இளங்குமரனார்
சால்புடையவர் நல்ல தல்லாதவற்றைச் சொன்னால் கூட, பயனில்லாதவற்றைச் சொல்லாமை நல்லதாம்.
நல்லா றெனினுங் கொளறீது மேலுலக
மில்லெனினு மீதலே நன்று
இளங்குமரனார்
நல்வழியே என்றால் கூடக் கொடை பெறல் தீயதாகும்; புகழ் நிலை வாரா தெனினும் கொடுப்பதே நல்லதாகும்.
தோன்றிற் புகழோடு தோன்றுக வஃதிலார்
தோன்றலிற் றோன்றாமை நன்று
இளங்குமரனார்
ஒரு செயலில் ஈடுபட்டால் புகழுண்டாக ஈடுபடுக இல்லையானால் ஈடுபடாது இருத்தல் நல்லது.
அவிசொரிந் தாயிரம் வேட்டலி னொன்றி
னுயிர்செகுத் துண்ணாமை நன்று
இளங்குமரனார்
அவித்துக் கொட்டி ஆயிரக்கணக்கான வேள்வி செய்வதிலும் ஓர் உயிரைக் கொன்று உண்ணாமை நன்மை செய்யும்.
பொய்யாமை பொய்யாமை யாற்றி னறம்பிற
செய்யாமை செய்யாமை நன்று
இளங்குமரனார்
பொய் சொல்லாமையைத் தவறாது கொள்ளல் அறம்; செய்யத் தகாததைச் செய்யாமை நலம்.
இணரெரி தோய்வன்ன வின்னா செயினு
புணரின் வெகுளாமை நன்று
இளங்குமரனார்
மலரை வாட்டும் தீயைப்போல் தன்னை எரித்தவரும் உணர்ந்து கூடினால் சினங் கொள்ளாமை நலம்.
ஒன்றாக நல்லது கொல்லாமை மற்றதன்
பின்சாரப் பொய்யாமை நன்று.
இளங்குமரனார்
ஒரே ஒரு நல்லறம் கொலை செய்யாமையே; ஆனால் அடுத்துச் சொல்லத்தக்க அறம் பொய் சொல்லாமையே.
எற்றென் றிரங்குவ செய்யற்க செய்வானேன்
மற்றன்ன செய்யாமை நன்று
இளங்குமரனார்
தானே வருந்தும் செயலைச் செய்தல் ஆகாது, அப்படிச் செய்யின் மீளவும் அதனைச் செய்யாமை நல்லது.
செய்தேமஞ் சாராச் சிறியவர் புன்கேண்மை
எய்தலி னெய்தாமை நன்று
இளங்குமரனார்
நட்பாகியும் பாதுகாப்பு இல்லாத சிறுமையினர் இழிந்த நட்பை அடைவதிலும் அடையாமை நல்லதாம்.
ஒட்டார்பின் சென்றொருவன் வாழ்தலி னந்நிலையே
கெட்டா னெனப்படுத னன்று
இளங்குமரனார்
பொருந்தாதவர் பின்சென்று உயிர்வாழ்வதினும் அப்பொழுதே இறந்தான் என்பதும் நல்லதே.