நட்பு
என்று முடியும் குறள்கள்
மறவற்க மாசற்றார் கேண்மை துறவற்க
துன்பத்துட் டுப்பாயார் நட்பு
இளங்குமரனார்
குற்றமிலார் நட்பை மறத்தல் ஆகாது அவ்வாறே, துன்பத்தில் துணையானவர் நட்பை விடலாகாது.
எழுமை யெழுபிறப்பு முள்ளுவர் தங்கண்
விழுமந் துடைத்தவர் நட்பு
இளங்குமரனார்
தமக்குண்டாகிய துன்பத்தை நீக்கியவர் நட்பைப் பலப்பல தலைமுறைகளிலும் நன்றியறிந்தோர் நினைவர்.
குடம்பை தனித்தொழியப் புட்பறந் தற்றே
யுடம்போ டுயிரிடை நட்பு.
இளங்குமரனார்
உடலுக்கும் உயிருக்கும் உள்ள உறவு, கூட்டுக்கும் பறந்து போகும் பறவைக்கும் உள்ள உறவு போன்றதாம்.
நிறைநீர நீரவர் கேண்மை பிறைமதிப்
பின்னீர பேதையார் நட்பு
இளங்குமரனார்
பண்புடையவர் நட்பு வளர்பிறை போன்றது; பண்பற்ற அறிவிலியர் நட்பு தேய்பிறை போன்றது.
முகநக நட்பது நட்பன்று நெஞ்சத்
தகநக நட்பதே நட்பு
இளங்குமரனார்
முகமலர நட்புச் செய்வது நட்பு ஆகாது; உளம் மலர நட்புச் செய்வதே நட்பு ஆகும்.
அழிவி னவைநீக்கி யாறுய்த் தழிவின்க
ணல்ல லுழப்பதா நட்பு
இளங்குமரனார்
கேடானவற்றை நீக்கி, நல்வழியில் செலுத்தி, துன்பம் உண்டாயின் தானும் துன்புறுவதே ஒத்த நட்பாகும்.
உடுக்கை யிழந்தவன் கைபோல வாங்கே
இடுக்கண் களைவதா நட்பு
இளங்குமரனார்
உடையை இழந்தவன் கை, மாளம் காப்பதுபோல்,நண்பன் துயரை உடனே நீக்குவதே நட்பாகும்.
இனைய ரிவரெமக் கின்னம்யா மென்று
புனையினும் புல்லென்று நட்பு
இளங்குமரனார்
"இவர் எமக்கு இத்தகையர்; யாம் அவர்க்கு இத்தகையம்" என்று சொல்வதும் கீழானது எனப்படும் நட்பாகும்.
குணனுங் குடிமையுங் குற்றமுங் குன்றா
வினனு மறிந்துயாக்க நட்பு
இளங்குமரனார்
நற்குணம் நற்குடி குற்றம் குறையிலாத் தொடர்பினர் இவற்றை யெல்லாம் அறிந்தே நட்புச் செய்தல் வேண்டும்.
குடிப்பிறந்து தன்கட் பழிநாணு வானைக்
கொடுத்துங் கொளல்வேண்டு நட்பு
இளங்குமரனார்
நற்குடியில் பிறந்து பழிக்கு நாணம் கொள்பவனை அவன் வேண்டுவன தந்தும் நட்பாதல் வேண்டும்.
உள்ளற்க வுள்ளஞ் சிறுகுவ கொள்ளற்க
அல்லற்க ணாற்றறுப்பார் நட்பு
இளங்குமரனார்
உள்ளத்தைச் சிறிதாக்குவதை எண்ணாமை வேண்டும். அதுபோல் துன்பத்தில் கைவிடுவாரைக் கொள்ளாமை வேண்டும்.
மருவுக மாசற்றார் கேண்மையொன் றீத்தும்
ஒருவுக வொப்பிலார் நட்பு
இளங்குமரனார்
குற்றமில்லாப் பண்பினர் நட்பைக் கொள்க தகவில்லாதவரை அவர் விரும்பும் ஒன்றைத் தந்தும் விலக்கி விடுக.
பழைமை யெனப்படுவ தியாதெனின் யாதுங்
கிழமையைக் கீழ்த்திடா நட்பு
இளங்குமரனார்
பழந்தொடர்பு எனப்படுவது எது என்றால், அது உரிமையால் செய்வனவற்றை அழித்திடாத நட்பாகும்.
சீரிடங் காணி னெறிதற்குப் பட்டடை
நேரா நிரந்தவர் நட்பு
இளங்குமரனார்
கூடாமல் கூடியவர் நட்பு, தக்க பொழுது வாய்ப்பின் கொல்லபட்டடைக் கல்போல் வருத்தவே உதவும்.
உடம்பொ டுயிரிடை யென்னமற் றன்ன
மடந்தையொ டெம்மிடை நட்பு
இளங்குமரனார்
எமக்கும் அவளுக்கும் உள்ள தொடர்பு உடலுக்கும் உயிருக்கும் உள்ள தொடர்பாகும்.