தோள்
என்று முடியும் குறள்கள்
தந்நலம் பாரிப்பார் தோயார் தகைசெருக்கிப்
புன்னலம் பாரிப்பார் தோள்
இளங்குமரனார்
தமது நலத்தைக் கருதுபவர், பகட்டித் திரியும் பொது மகளிர்இழிந்த இன்பத்தை அடையார்.
நிறைநெஞ்ச மில்லவர் தோய்வர் பிறநெஞ்சிற்
பேணிப் புணர்பவர் தோள்
இளங்குமரனார்
பிறரை வயப்படுத்தித் தழுவும் மகளிரை உறுதிப்பாடு இல்லாரே தழுவுவர்.
வேட்ட பொழுதி னவையவை போலுமே
தோள்தாழ் கதுப்பினா டோள்
இளங்குமரனார்
பூங்கொத்தணிந்த இவள் இன்பம், விரும்பிய பொழுதில், விரும்பின விரும்பின வாய்த்தல் போன்றவாம்.
உறுதோறு றுயிர்தளிப்பத் தீண்டலாற் பேதைக்
கமிழ்தி னியன்றன தோள்
இளங்குமரனார்
தழுவும்தோறும் உயிர்வளர்தலால் இவள் உடல் அமுதத்தால் செய்யப்பட்டதாகுமோ?
தணந்தமை சால வறிவிப்ப போலும்
மணந்தநாள் வீங்கிய தோள்
இளங்குமரனார்
அவர் கூடியிருந்த நாளில் பருத்த தோள் அவர் பிரிவை மெலிவால் மிகக்காட்டிவிடும் போலும்!
பணைநீங்கப் பைந்தொடி சோரும் துணைநீங்கத்
தொல்கவின் வாடிய தோள்
இளங்குமரனார்
அவரைப் பிரிந்து அழகு அழிந்த தோள் மெலிவாகி வளையல் கழலலாயிற்றே.
கொடியார் கொடுமை யுரைக்குந் தொடியொடு
தொல்கவின் வாடிய தோள்
இளங்குமரனார்
வளையலும் வாடிய தோளும் காதலராம் கொடியவர் கொடுமையைக் கூறுகின்றனவே.