தற்று
என்று முடியும் குறள்கள்
தீயவை செய்தார் கெடுத னிழறன்னை
வீயா தடியுரைந் தற்று
இளங்குமரனார்
தீய செயல் செய்தவர் அழிவு, தன் நிழல் தன்னை விடாமல் தொடர்வது போல் தொடர்ந்து தங்கும்.
வலியி னிலைமையான் வல்லுருவம் பெற்றம்
புலியின்றோல் பேர்த்துமேய்ந் தற்று
இளங்குமரனார்
தவவலிமை இல்லாதவன் தவக்கோலம் கொள்ளல், புலித் தோலைப் போர்த்துப் பசு மேய்ந்தது போன்றது.
தவமறைந் தல்லவை செய்தல் புதன்மறைந்து
வேட்டுவன் புட்சிமிழ்த் தற்று
இளங்குமரனார்
தவக்கோலத்தில் மறைந்து கொண்டு கேடு செய்தல், புதர்க்குள் மறைந்து பறவை பிடிப்பது போன்றது.
அற்றார்க்கொன் றாற்றாதான் செல்வ மிகநலம்
பெற்றா டமியள்மூத் தற்று
இளங்குமரனார்
எல்லா நலமும் பெற்றவள் மணமாகாமலே மூத்தது போன்றது பயன்படாத செல்வம்.
நச்சப் படாதவன் செல்வ நடுவூரு
ணச்சு மரம்பழுத் தற்று
இளங்குமரனார்
விரும்பப்படாதவன் செல்வம் ஊர்நடுவே நஞ்சுமரம் பழுத்திருப்பது போன்றது.
இரப்பாரை யில்லாயி னீர்ங்கண்மா ஞாலம்
மரப்பாவை சென்றுவந் தற்று
இளங்குமரனார்
கேட்டுப் பெறுபவர் இல்லை என்றால் உலக இயக்கம் மரப்பொம்மை இயக்கம் போன்றதே.