உறும்
என்று முடியும் குறள்கள்
பழுதெண்ணு மந்திரியிற் பக்கத்துட் டெவ்வ
ரெழுபது கோடி தலை
இளங்குமரனார்
பக்கத்தே இருந்து தீமையைக் கருதும் அமைச்சன் ஒருவன், பகைவர் எழுபது கோடிப்பேர்க்கு ஒப்பாவான்.
பேதை பெருங்கெழீஇ நட்பி னறிவுடையா
ரேதின்மை கோடி யுறும்
இளங்குமரனார்
அறிவிலாளொடு கொண்ட நட்பினும், அறிவுடையவ ரொடு கொண்ட பகைமை கோடிப்பங்கு நலமாம்.
நகைவகைய ராகிய நட்பிற் பகைவரால்
பத்தடுத்த கோடி யுறும்
இளங்குமரனார்
சிரித்து மகிழ்வார் நட்பினும், பகைவரால் பத்துக் கோடி மடங்கு நலமுண்டாகும்
குடிசெய்வ லென்னு மொருவற்குத் தெய்வம்
மடிதற்றுத் தான்முந் துறும்
இளங்குமரனார்
குடும்பத்தை உயர்த்த நினைப்பவர்க்கு உதவ மேலோரும் வரிந்துகட்டிக் கொண்டு வருவர்.
கரவா துவந்தீயுங் கண்ணன்னார் கண்ணும்
இரவாமை கோடி யுறும்
இளங்குமரனார்
மறையாமல் கொடுப்பவரிடத்தும் கேளா திருத்தல் கோடி பெருமையாம்.