உண்டு
என்று முடியும் குறள்கள்
உடைமையு ளின்மை விருந்தோம்ப லோம்பா
மடமை மடவார்க ணுண்டு
இளங்குமரனார்
செல்வக் காலத்திலும் வறுமையாவது விருந்தோம்பாக் குற்றமாகும்; அது அறிவிலாரிடத்தே உண்டு.
அருளென்னு மன்பீன் குழவி பொருளென்னுஞ்
செல்வச் செவிலியா லுண்டு
இளங்குமரனார்
அன்புத்தாய் பெற்ற அருட் குழந்தை பொருள் என்னும் வளர்ப்புத் தாயால் வளரும்.
ஒருமை மகளிரே போலப் பெருமையுந்
தன்னைத்தான் கொண்டொழுகி னுண்டு
இளங்குமரனார்
கற்புள்ள பெண்களைப் போல ஆண்களும் கற்புடையவ ராக இருந்தால் பெருமையுண்டு.
கரப்பினுங் கையிகந் தொல்லாநின் னுண்க
ணுரைக்க லுறுவதொன் றுண்டு
இளங்குமரனார்
அன்பே, நீ எப்படி மறைத்தாலும் அதைக்கடந்து உன்கண் சொல்ல நினைப்பது ஒன்று உள்ளது.
மணியிற் றிகழ்தரு நூல்போன் மடந்தை
யணியிற் றிகழ்வதொன் றுண்டு
இளங்குமரனார்
மணியூடு விளங்கும் நூலைப் போல் இவள் அழகுக்குள் விளங்குவது ஒன்றுண்டு.
முகைமொக்கு ளுள்ளது நாற்றம்போற் பேதை
நகைமொக்கு ளுள்ளதொன் றுண்டு
இளங்குமரனார்
மொட்டுப் பூவுக்குள் மணம் இருப்பது போல் இவள் புன்முறுவலுக்குள் ஒரு குறிப்புள்ளது.
உள்ளக் களித்தலுங் காண மகிழ்தலுங்
கள்ளுக்கில் காமத்திற் குண்டு
இளங்குமரனார்
நினைக்க மகிழ்வும், காண மகிழ்வும் மதுவுக்கு இல்லை. காதலுக்கு உண்டு.