இனிது
என்று முடியும் குறள்கள்
தம்மிற்றம் மக்க ளறிவுடைமை மாநிலத்து
மன்னுயிர்க் கெல்லா மினிது
இளங்குமரனார்
மக்களின் அறிவுவளம், பொற்றோரினும் உலகிலுள்ள அனைவருக்கும் இன்பம் செய்வதாகும்.
அறம்கூறா னல்ல செயினு மொருவன்
புறம்கூறா னென்ற லினிது
இளங்குமரனார்
அறம் சொல்லாமல் தீமை செய்பவனும் கூடப் புறம் பேசால் என்பது இனிதாகும்.
கான முயலெய்த வம்பினில் யானை
பிழைத்தவே லேந்த லினிது
இளங்குமரனார்
காட்டு முயலை எய்த கணையைப் பார்க்கிலும் யானை மேல் குறிவைத்துத் தப்பிய வேல் சிறந்தது.
பருகுவார் போலினும் பண்பிலார் கேண்மை
பெருகலிற் குன்றல் லினிது
இளங்குமரனார்
பருகத்தக்க சுவைநீர் போன்றவர் எனினும் பண்பாடு இல்லார் நட்பு, வளர்வதிலும் தேய்வதே நல்லது.
வழிநோக்கான் வாய்ப்பன செய்யான் பழிநோக்கான்
பண்பிலன் பற்றார்க் கினிது
இளங்குமரனார்
செயல்வழி அறியாதவன்,திறம்அற்றவன், பழி கருதாதவன், பண்பில்லாதவன் பகைவர்க்கு இனியன்.
களித்தொறுங் கள்ளுண்டல் வேட்டற்றாற் காமம்
வெளிப்படுந் தோறும் மினிது
இளங்குமரனார்
மகிழும் தோறும் குடியர் மதுவுண்ண விரும்புதல் போல் காமம் பழி கேட்கும் தோறும் இனியதே.
ஒருதலையா னின்னாது காமங்காப் போல
விருதலை யானும் மினிது
இளங்குமரனார்
காவடியை இருபக்கமும் தாங்கினால் இன்பம்; அப்படியின்றி ஒருபக்கம் சுமப்பின் துன்பமே.
உள்ளினுந் தீராப் பெருமகிழ் செய்தலாற்
கள்ளினுங் காம மினிது
இளங்குமரனார்
நினைத்தாலும் நீங்கா மகிழ்வு ஏற்படுவதால் மதுவினும் காதல் இனியதே.
நனவினாற் கண்டதூஉ மாங்கே கனவுந்தான்
கண்ட பொழுதே யினிது
இளங்குமரனார்
நேரில் கண்டதும் அப்பொழுது இன்பமே! இக்கனவும் காணும்போதில் இன்பமாகவே உள்ளது.
நீரு நிழல தினிதே புலவியும்
வீழுநர் கண்ணே யினிது
இளங்குமரனார்
நிழலில் அமைந்த நீர் இனிதேயாம்; அவ்வாறே ஊடுதலும் விரும்புவாரிடத்தே தான் இனியது.
உணலினு முண்ட தறலினிது காமம்
புணர்தலி னூட லினிது
இளங்குமரனார்
உண்பதினும் உண்டது செரிப்பதில் இன்பமுண்டு. அதுபோல் கூடலினும் ஊடல் இன்பம் பெரிது.