அரண்
என்று முடியும் குறள்கள்
அறிவற்றங் காக்குங் கருவி செறுவார்க்கு
முள்ளழிக்க லாகா வரண்
இளங்குமரனார்
அழிவு நேராமல் காக்கும் படைக்கலம் அறிவாகும்; அது உட்புகுந்து அழிக்க முடியாத கோட்டையு மாகும்.
மணிநீரு மண்ணும் மலையு மணிநிழற்
காடு முடைய தரண்
இளங்குமரனார்
தூய நீரும் நிலமும் மலையும் அடர்ந்தகாடும் ஆகியவை அரண்களாம்.
சிறுகாப்பிற் பேரிடத்த தாகி யுறுபகை
யூக்க மழிப்ப தரண்
இளங்குமரனார்
எளிய காவலால் பெரிய இடம் அமைந்து பகைவர் வலிமையை அழிப்பது அரணாகும்.
கொளற்கரிதாய்க் கொண்டகூழ்த் தாகி யகத்தார்
நிலைக்கெளிதா நீர தரண்
இளங்குமரனார்
பகைவர் பற்ற அரியதாக, வேண்டும் உணவைக் கொண்டு, உள்ளிருப்பார்க்கு வாய்ப்பாவது அரணாகும்.
எல்லாப் பொருளு முடைத்தா யிடத்துதவும்
நல்லா ளுடைய தரண்
இளங்குமரனார்
எல்லா நலங்களும் கொண்டு, உரிய வகையில் உதவும் வீரர் உடையது அரணாகும்.
முற்றியு முற்றா தெறிந்து மறைப்படுத்தும்
பற்றற் கரிய அரண்
இளங்குமரனார்
முற்றுகையிட்டும், முற்றுகையிடாது அழித்தும், வஞ்சித்தும் பிடிக்க முடியாதது அரணாகும்.
முற்றாற்றி முற்றி யவரையும் பற்றாற்றிப்
பற்றியார் வெல்வ தரண்
இளங்குமரனார்
பெரும் போரிட்டு முற்றுகையிட்டவரையும் பற்றிப் பிடித்து வெற்றி கொளச் செய்வது அரணாகும்.
முனைமுகத்து மாற்றலர் சாய வினைமுகத்து
வீறெய்தி மாண்ட தரண்
இளங்குமரனார்
போரில் பகைவர் அழியுமாறு செயல்திறம் வல்ல கருவிகளைக் கொண்டது அரணாகும்.
எனைமாட்சித் தாகியக் கண்ணும் வினைமாட்சி
யில்லார்க ணில்ல தரண்
இளங்குமரனார்
எவ்வளவு பெருமையுடையதாயினும் செயல்திறம் இல்லாரிடத்து அரணம் சிறப்படைதல் இல்லை.