காமக்
என்று தொடங்கும் குறள்கள்
காமக் கடும்புன லுய்க்குமே நாணொடு
நல்லாண்மை யென்னும் புனை
இளங்குமரனார்
நாணத்தொடு நல்லாற்றல் என்னும் மிதவையைக் காம வெள்ளம் அடித்துக் கொண்டே போய்விடுமோ?
காமக் கடல்மன்னு முண்டே யதுநீந்து
மேமப் புணைமன்னு மில்
இளங்குமரனார்
காமக்கடல் இருக்கவே இருக்கிறது; ஆனால் அதளைக் கடக்கும் காவல் மிதப்புத்தான் இல்லை.
காமக் கடும்புனல் நீந்திக் கரைகாணேன்
யாமத்தும் யானே யுளேன்
இளங்குமரனார்
காமம் என்னும் கடிய வெள்ளத்தைக் கடக்க அறியேன். நள்ளிரவிலும் நானே தனித்துள்ளேன்.
காமக் கணிச்சி யுடைக்கும் நிறையென்னும்
நாணுத்தாழ் வீழ்த்த கதவு
இளங்குமரனார்
நாணமென்னும் தாழ்போட்ட கற்புக் கதவைக் காமம் என்னும் கோடரி வெட்டிவிடும்.