அழுக்காறு
என்று தொடங்கும் குறள்கள்
அழுக்கா றவாவெகுளி யின்னாச்சொன் னான்கு
மிழுக்கா வியன்ற தறம்
இளங்குமரனார்
பொறாமை ஆசை சீற்றம் கடுஞ்சொல் என்பவற்றை நீக்குவதே அறம்.
அழுக்கா றுடையான்க ணாக்கம்போன் றில்லை
யொழுக்க மிலான்க ணுயர்வு
இளங்குமரனார்
பொறாமையாளன் செல்வம், செல்வமாகாது; அது போல் ஒழுக்கமில்லாதவன் உயர்வு, உயர்வாகாது.
அழுக்கா றுடையர்க் கதுசாலு மொன்னார்
வழுக்கியுங் கேடீன் பது
இளங்குமரனார்
பொறாமையாளரைப் பகைவர் கெடுக்கத் தவறினாலும் அவர் கொண்ட பொறாமை கெடுக்கத் தவறாது.
அழுக்கா றெனவொரு பாவி திருச்செற்றுத்
தீயுழி யுய்த்து விடும்
இளங்குமரனார்
பொறாமை என்னும் பாவி, செல்வத்தையும் அழித்து மன எரிவுக்குள்ளும் தள்ளிவிடும்.