நாடு
என்று முடியும் குறள்கள்
தள்ளா விளையுளுந் தக்காருந் தாழ்விலாச்
செல்வருங் சேர்வது நாடு
இளங்குமரனார்
குறையாவிளைவு, குணமிக்க பெரியவர், பெருநலச் செல்வர் ஆகியோர் சேர்ந்துறைவதே நாடாகும்.
பெரும்பொருளாற் பெட்டக்கத் தாகியருங் கேட்டா
லாற்ற விளைவது நாடு
இளங்குமரனார்
பெரும் வளத்தால் விரும்பத்தக்கதாய், வறட்சியிலும் மிக விளையத் தக்கதாய் அமைந்ததே நாடாகும்.
பொறையொருங்கு மேல்வரும்காற் றாங்கி யிறைவற்
கிறையொருங்கு நேர்வது நாடு
இளங்குமரனார்
எவ்வளவு சுமை உண்டாயினும் ஏற்று, அரசுக்கு வரியை முழுவதும் செலுத்துவதே நாடாகும்.
உறுபசியு மோவாப் பிணியுஞ் செறுபகையுஞ்
சேரா தியல்வது நாடு
இளங்குமரனார்
மிகுந்த பசியும், நீங்கா நோயும், கெடுபகையும் இல்லாமல் இயங்குவதே நாடாகும்.
பல்குழுவும் பாழ்செய்யு முட்பகையும் வேந்தலைக்கும்
கொல்குறும்பு மில்லது நாடு
இளங்குமரனார்
ஒன்றுபடாப் பலபிரிவும், கெடுக்கும் உட்பகையும், அரசை அழிக்கும் கொலைஞரும் இல்லாததே நாடாகும்.
நாடென்ப நாடா வளத்தன நாடல்ல
நாட வளந்தரு நாடு
இளங்குமரனார்
தேடாமல் வளப் பெருக்குடையதே நாடாகும். தேடி வளம் பெறும் நாடு வளநாடு ஆகாது.
ஆங்கமை வெய்தியக் கண்ணும் பயனின்றே
வேந்தமை வில்லாத நாடு
இளங்குமரனார்
எல்லா வளங்களும் உடையதாயினும் சிறந்த ஆட்சி முறைமை இல்லாதநாடு பயனற்ற நாடே.