அகத்து
என்று முடியும் குறள்கள்
நயன்சாரா நன்மையி னீக்கும் பயன்சாராப்
பண்பிற்சொற் பல்லா ரகத்து
இளங்குமரனார்
பயனில்லாத பண்பற்ற சொல்லைப் பலரிடத்தும் சொல்லல் முறைகேடானதாகி நன்மையைக் கெடுக்கும்.
கொலைவினைய ராகிய மாக்கள் புலைவினையர்
புன்மை தெரிவா ரகத்து
இளங்குமரனார்
கொலையின் இழிவை அறித்தவர்க்குக், கொலை செய்வார் இழிதொழில் செய்பவரே ஆவர்.
செவிச்சொல்லுஞ் சேர்ந்த நகையு மவித்தொழுக
லான்ற பெரியா ரகத்து
இளங்குமரனார்
மிகப் பெரியவரின்முன் காதொடு பேசுதல், கூடிச்சிரித்தல், ஆகியவை இல்லாமல் பார்த்துக் கொள்ளல் வேண்டும்.
கற்றறிந்தார் கல்வி விளங்குங் கசடறச்
சொற்றெரிய வல்லா ரகத்து
இளங்குமரனார்
குற்றமற்ற சொல்லாய்வாளரிடத்துக் கல்வி வல்லார் கூறும்போது அக்கல்வி மேலும் விளக்கமுறும்.
நோவற்க நொந்த தறியார்க்கு மேவற்க
மென்மை பகைவ ரகத்து
இளங்குமரனார்
துன்புற்றது அறியார்க்கு அதனைச் சொல்லாதே; அது போல், பகைவரிடத்து மென்மையைக் காட்டாதே.
காமமு நாணு முயிர்காவாத் தூங்குமென்
நோனா வுடம்பி னகத்து
இளங்குமரனார்
என் வலிமை இல்லா உடலில், காமத்துயரும் நாணமும் உயிரைக் காவடியாகக் கொண்டு தூங்குகின்றன.
மறைபெற லூரார்க் கரிதன்றா லெம்போ
லறைபறை கண்ணா ரகத்து
இளங்குமரனார்
எம்மைப் போல் முரசடிக்கும் கண்ணினர் இருக்கும் போது, அதனை ஊரார் அறிதல் அரிதில்லை.
நலத்தகை நல்லவர்க் கோரம் புலத்தகை
பூவன்ன கண்ணா ரகத்து
இளங்குமரனார்
ஊடும் பூப்போன்ற தலைவியிடத்து நயமாய்க் கூடும் நயமே தலைவனுக்குத் தனி அழகாகும்.
புலத்தலிற் புத்தேணா டுண்டோ நிலத்தொடு
நீரியைந் தன்னா ரகத்து
இளங்குமரனார்
நிலமும் நீரும் கலந்தாற் போன்ற நெஞ்சக் கலப்பினர்க்கு அதுவே பேரின்பம்.