பொருள்
என்று தொடங்கும் குறள்கள்
பொருடீர்ந்த பொச்சாந்துஞ் சொல்லார் மருடீர்ந்த
மாசறு காட்சி யவர்
இளங்குமரனார்
மயக்கம் நீங்கிய குற்றமில்லாத அறிவினர் பொருளற்ற சொற்களை மறந்தும் கூறமாட்டார்.
பொருணீங்கிப் பொச்சாந்தார் ரென்ப ரருணீங்கி
யல்லவை செய்தொழுகு வார்
இளங்குமரனார்
இரக்கம் இல்லாது தீமை செய்து வாழ்பவர் பொருளும் புகழும் இல்லாதவர் ஆவர் என்று கூறுவர்.
பொருளற்றார் பூப்ப ரொருகா லருளற்றா
ரற்றார்மற் றாத லரிது
இளங்குமரனார்
பொருளை இழந்தவர் ஒருகால் அதனை அடைதல் கூடும். ஆனால் அருளை இழந்தவர் இழந்தவரே.
பொருளாட்சி போற்றாதார்க் கில்லை யருளாட்சி
யாங்கில்லை யூன்றின் பவர்க்கு
இளங்குமரனார்
பொருள் வளம் அதனைப் போற்றிக் கொள்ளாதவர்க்கு இல்லை. அருள் வளமும் அவ்வாறே புலால் உண்பவர்க்கு இல்லை.
பொருள்கருவி காலம் வினையிடனோ டைந்து
மிருடீர வெண்ணிச் செயல்
இளங்குமரனார்
பொருள், கருவி, காலம், செயல், இடம் என்னும் ஐந்தையும் தெளிவாக எண்ணிச் செயலாற்றல் வேண்டும்.
பொருளல் லவரைப் பொருளாகச் செய்யும்
பொருளல்ல தில்லை பொருள்
இளங்குமரனார்
ஒருபொருளாக மதிக்கத் தகாதவரையும் மதிக்க வைக்கும் பொருள், சிறந்த பொருளேயாம்.
பொருளென்னும் பொய்யா விளக்கம் மிருளறுக்கு
மெண்ணிய தேயத்துச் சென்று
இளங்குமரனார்
பொருள் எனப்படும் அணையாவிளக்கு எண்ணிய இடத்தெல்லாம் ஒளி செய்யும்.
பொருள்கெடுத்துப் பொய்மேற் கொளீஇ யருள்கெடுத்
தல்ல லுழப்பிக்குஞ் சூது
இளங்குமரனார்
சூது பொருளை அழித்துப் பொய் சொல்லச் செய்து அருளையும் கெடுத்து அல்லலையும் தரும்.
பொருண்மாலை யாளரை யுள்ளி மருண்மாலை
மாயும்என் மாயா வுயிர்
இளங்குமரனார்
மயங்கிவிடும் மாலையில் பொருளே மூச்சானவரை நினைத்துப் போகா உயிரும் போகின்றதே!