அருள்
என்று தொடங்கும் குறள்கள்
அருள்வெஃகி யாற்றின்க ணின்றான் பொருள்வெஃகிப்
பொல்லாத சூழக் கெடும்
இளங்குமரனார்
அருளை விரும்பி நல்வழியில் நடப்பவன் பிறர் பொருளை விரும்பினால் அவ்வளவில் தீமை சூழ்ந்து கெடுவான்.
அருள்சேர்ந்த நெஞ்சினார்க் கில்லை யிருள்சேர்ந்த
வின்னா வுலகம் புகல்
இளங்குமரனார்
அருளமைந்த மனத்தினர் அறியாமை அமைந்த துன்ப உலகத்தில் புகுதல் இல்லை.
அருளிலார்க் கவ்வுலக மில்லை பொருளிலார்க்
கிவ்வுலக மில்லாகி யாங்கு
இளங்குமரனார்
பொருளில்லாதவர்க்கு இவ்வுலக நலம் இல்லாதது போல அருளில்லாதவர்க்கு அருளுலக நலம் இல்லை.
அருளல்ல தியாதெனிற் கொல்லாமை கோறல்
பொருளல்ல தவ்வூன் றினல்
இளங்குமரனார்
அருள் என்பது கொல்லாமை; அல்லது என்பது கொல்லல்; ஆதலால் புலால் உண்ணல் நல்லதன்றாம்.
அருள்கருதி யன்புடைய ராதல் பொருள்கருதிப்
பொச்சாப்புப் பார்ப்பார்க ணில்
இளங்குமரனார்
பொருள் கவரப் பிறர் சோர்வை எண்ணுபவர்க்கு அருளை எண்ணி அன்புடையவராகும் தன்மை இல்லை.
அருளென்னு மன்பீன் குழவி பொருளென்னுஞ்
செல்வச் செவிலியா லுண்டு
இளங்குமரனார்
அன்புத்தாய் பெற்ற அருட் குழந்தை பொருள் என்னும் வளர்ப்புத் தாயால் வளரும்.